МАРГААШ БОЛОХ БАЙСАН МАН-ЫН БАГА ХУРАЛ ТОДОРХОЙГҮЙ ШАЛТГААНААР ХОЙШИЛЖЭЭ

Нийслэлийн МАН-ын хорооны Тэргүүлэгчдийн хуралдаанаас 34-р Бага хурлаа энэ сарын 7-ны өдөр хийж, даргаа сонгох товоо зарласан байсан юм. Тэгвэл Нийслэлийн МАН-ын Бага хурал ч тодорхойгүй шалтгаанаар хойшилжээ. Гэхдээ энэ сарын 15-ндаа багтаж хуралдана гэдгийг эх сурвалж хэлж байна.

Энэхүү хуралд саналын эрх бүхий 369 төлөөлөгч оролцуулахаар тогтохдоо 69-ийг нь квотоор оруулах шийдвэр гаргасантай холбоотой маргаан үүссэн байгаа.

Тухайлбал, МАН-ын хорооны зарим тэргүүлэгчид нь Нийслэлийн Засаг дарга, намын хорооны үүрэг гүйцэтгэгч С.Батболдыг 69 квот хармаалан намын дарга болохоор улайрч байна гэж хардаж буй. Тэгвэл энэ асуудлаар МАН-ын Ерөнхий нарийн бичгийн дарга Д.Амарбаясгалан "С.Батболд даргад Нийслэлийн МАН-ын хорооны Бага хурлыг намын дүрэмд нийцүүлэн зохион байгуулах чиглэлд үүрэг өгсөн. Намынхаа эв нэгдлийг хангах, намын анхан шатны гишүүдийн оролцоог тэгш зарчмаар хангах, оролцох боломжийг нь олгох, гишүүд төлөөлөгчид санал бодлоо илэрхийлэх боломжоор хангах чиглэлд үүрэг өгсөн байгаа. Энэ чиглэлийг Нийслэлийн МАН-ын хорооны даргын үүрэг гүйцэтгэж байгаа хүн хариуцаж хийх учиртай" гэжээ.