ӨНӨӨДӨР ҮХЭР, ТАХИА ЖИЛТНЭЭ АЛИВАА ҮЙЛИЙГ ХИЙХЭД ЭЕРЭГ САЙН

Өнөөдөр аргын тооллын 2018 оны зургаадугаар сарын 06. Лхагва гараг. Билгийн тооллын XVII жарны "Тийн унжлагат" хэмээх шороон нохой жилийн Зуны тэргүүн улаагчин могой сарын 22. Буд гараг. Чөдөр одтой, хоёр хар мэнгэтэй, шарагчин могой өдөр.

Өдрийн наран 4 цаг 57 минутад мандан, 20 цаг 45 минутад жаргана. Тухайн өдөр үхэр, тахиа жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.

Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, хараал, жатхыг буцаах, газар лусын зан үйл хийх, өр барагдуулах, гэр бүрэхэд сайн. Ургаа мод таслах, газрын ам нээх зэрэг үйлд муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун хойш мөрөө гаргавал зохистой. 1 цаг 43 минутанд буудай боловсроно. Үс шинээр үргээлгэх буюу засуулбал эд, эдлэл, идээ, ундаа олно хэмээжээ.