ЭХЭМҮТ-Д АМИА АЛДСАН БҮСГҮЙН ХЭРГИЙГ ШАЛГАЖ БАЙНА

Эх үрсийн баярын өдөр Эх нялхсын эрүүл мэндийн үндэсний төв /ЭХЭМҮТ/-д амаржаад тав хонож байсан эмэгтэй цонхоор үсэрч амиа хорлосон харамсалтай хэрэг гарсан талаар бид мэдээлсэн. Тэгвэл амиа алдсан бүсгүй 27 настай, тавдугаар сарын 26-нд амаржсан байжээ.

Эх сурвалжийн мэдээлж байгаагаар амиа алдсан эмэгтэй сахиуртай байсан бөгөөд хэрэг гарах үед сахиур нь унтаж байсан байна. Болсон явдлыг нягтлан шалгаваас ар гэрийн ямар нэг дарамт шахалт байхгүй, хүүхэд нь эрүүл саруул төрсөн, юуны учир ийн амиа хорлох болсон нь тодорхойгүй байгаа юм байна.

Энэ хэргийг Баянгол дүүргийн цагдаагийн нэгдүгээр хэлтэс шалгаж байна. Хэргийг шалгах ажиллагаа үргэлжилж байгаа учраас тодорхой мэдээлэл өгөх боломжгүй' гэж цагдаагийн байгууллагаас мэдээлэл өглөө.