САНГИЙН ЯАМ, БОЛОВСРОЛЫН ЯАМНААС МӨНГӨ ЗАВШСАН ГЭХ ЭТГЭЭДҮҮДЭД ТЭНСЭН ХАРГАЛЗАХ ЯЛ ОНООЖЭЭ

АТГ-аас Боловсрол, соёл, шинжлэх ухааны яамны Санхүүгийн газрын даргаар ажиллаж байсан эрх бүхий албан тушаалтан нь 90.7 сая төгрөгийг хувьдаа завшсан хэрэгт тус газраас мөрдөн шалгах ажиллагаа явуулжээ.Харин мөрдөн шалгах ажиллагаа дуусч, нийслэлийн прокурорын газраас яллах дүгнэлт үйлдлүүлэх саналтай шилжүүлсэн. Улмаар прокуророос хянаж дуусаад Сүхбаатар дүүргийн анхан шатны шүүх рүү явуулсан байна. Тэгвэл анхан шатны шүүхээс Д.Батмагнайд Эрүүгийн хуулийн 17.4 дүгээр зүйлийн 2.1, 2.2-т зааснаар 9.5 сая төгрөгийн торгууль оногдуулжээ.

Мөн Сангийн яамны Өрийн удирдлагын хэлтсийн даргаар ажиллаж байсан эрх бүхий албан тушаалтан нь албан тушаалын байдлаа ашиглаж 13.4 сая төгрөгийг хувьдаа завшсан хэрэгт мөрдөн шалгах ажиллагааг явуулсан.Шүүхээс Н.Нарангэрэлийг Эрүүгийн хуулийн 150 дугаар зүйлийн 150.2-т зааснаар 1 жилийн тэнсэн харгалзах ял оногдуулж, хэрэгт худал мэдүүлэг өгсөн гэрч Ч.Тавансахъяад Эрүүгийн хуулийн 21.2 дугаар зүйлийн 1 дэх хэсэгт зааснаар 450 мянган төгрөгийн торгуулийн ял оногдуулав