С.БАЯРЫН ЭРҮҮЛ МЭНДИЙН ТАЛААР МЭДЭЭЛЭЛ ХИЙНЭ

Ерөнхий сайд асан С.Баяр хоригдож байх хугацаандаа биеийн байдал нь эрс муудаж, тулуй өвчин нь хүндэрсэн тул яаралтай улсын эмнэлэгт шилжүүлэн хэвтүүлээд долоо хонож байна.Түүний хувьд үе мөчний тулуй, багтраа зэрэг өвчний оноштой хэвтэн эмчлүүлэгдэж байсан ч нэмэгдээд биед нь өөр өвчний шинж тэмдэг илэрсэн байгаа талаар эмчлэгч эмч нь ярьжээ.Улсын эмнэлэг бараадсан түүний биеийн байдал арай дээрдэж байгаа бөгөөд хоёрдугаар эмнэлгийн ерөнхий захирал Г.Баясгалан маргааш сэтгүүлчдэд нэгдсэн журмаар түүний биеийн байдал ямар байгаа талаар мэдээлэх юм байна. Гэхдээ С.Баяраас асууж өөрийнх нь зөвшөөрлөөр олон нийтэд эрүүл мэндийн байдал нь ямар байгаа талаар мэдээлнэ гэлээ