ГАДААД БОДЛОГЫН АСУУДЛААР ХААЛТТАЙ ХУРАЛДАНА

Өнгөрсөн баасан гарагийн чуулганы хуралдаан дээр Ж.Батзандан "Гадаад бодлоготой холбоотой асуудлаар УИХ ойрын хугацаанд хаалттай горимоор мэдээлэл сонсон, ярилцаж, нэгдсэн ойлголт, байр суурьтай болох хэрэгтэй байна" гэсэн санал гаргасан билээ. Үүнийг УИХ-ын дарга М.Энхболд зөв зүйтэй, чухал санал гэж дэмжин Ерөнхийлөгчийг байлцуулан Ерөнхий сайдын гадаад бодлогын асуудлаар мэдээллийг УИХ-аар хаалттай горимоор сонсох бэлтгэл хангахад Тамгын газар анхаарахыг үүрэг болгосон байна. Шаардлагатай гэж үзвэл энэ долоо хоногийн мягмар, лхагва гарагт чуулганы нэгдсэн хуралдаан зарлахад бэлэн гэдгээ илэрхийлжээ. Тэгвэл энэ долоо хоногт хэлэлцэх асуудлын дараалалд дээрх хаалттай хуралдааныг лхагва гарагт хаалттай хуралдахаар товложээ.