ШАЛГАЛТЫН СОРИЛЫГ ВЭБ САЙТ ДЭЭР БАЙРШУУЛАН НЭЭЛТТЭЙ БОЛГОЖ БАЙНА

Энэ жил анагаах ухааны боловсрол олгох 12 их, дээд сургуулийг 3171 оюутан төгсөж ард иргэдийнхээ эрүүл мэндийн манаанд зогсохоор тангарагаа өргөх гэж байна. Төгсөгчид ажлын байранд гарч эрүүл мэндийн тусламж үйлчилгээ үзүүлэхийн тулд Мэргэжлийн үйл ажиллагаа эрхлэх зөвшөөрлийн шалгалт өгдөг бөгөөд энэхүү үйл ажиллагааг Эрүүл мэндийн хөгжлийн төв зохион байгуулах юм.

Закадр: Тус төвөөс 5 сарын 21-ны өдөр Анагаах ухааны боловсрол олгох их дээд сургуулиудын удирдлагуудтай төгсөгчдийн мэргэжлийн үйл ажиллагаа эрхлэх зөвшөөрлийн шалгалт зохион байгуулах талаар уулзалт хийлээ. Уулзалтад ЭМХТ-ийн ерөнхий захирал Д.Ганцэцэг, ХНБЗА-ны дарга Б.Амарсайхан болон тус албаны мэргэжилтнүүдоролцож, төгсөгчдийн мэргэжлийн үйл ажиллагаа эрхлэх зөвшөөрлийн шалгалтын бэлтгэл ажил, цаашид хамтран ажиллах чиглэлийн талаар мэдээлэл хийсэн юм.

Закадр: Энэ жилийн хувьд мэргэжлийн үйл ажиллагаа эрхлэх зөвшөөрлийн шалгалтын сорилыг вэб сайт дээр байршуулан нээлттэй болгож шалгалт өгөх оюутан бүр орж танилцан, бөглөж шалгалтандаа бэлтгэх боломжийг бүрдүүлж байна.Ийнхүү шалгалтын сорил нээлттэй, цахим хэлбэрээр харах боломжтой болсноор оюутнуудад шалгалтанд бэлтгэхэд ач холбогдолтой төдийгүй шалгалтад тэнцэх хүний тоо нэмэгдэнэ гэж үзэж байгаа юм.

Зөвшөөрлийн шалгалтанд тэнцсэн төгсөгчдийн бүрдүүлсэн материалыг журамд заасан хугацаанд хүлээн авч, зөвшөөрлийн гэрчилгээ олгуулах үйл ажиллагааг зохион байгуулахаар төлөвлөсөн байна.