НИЙСЛЭЛИЙН 12 МЯНГАН ГАРУЙ НҮХЭН ЖОРЛОНД АРИУТГАЛ ХИЙЖЭЭ

Admin

2018/05/20

Нийслэл хотод 390 мянган өрх амьдардаг бөгөөд 220 мянга нь гэр хороололд байрладаг гэх судалгаа гарчээ. Иймд нийслэлд нийт 100 гаруй мянган нүхэн жорлон байдаг аж. Түүнээс 11 мянга 500 өрхийн нүхэн жорлонг болон зуслангийн бүсэд байрлах дөрвөн мянга 600 өрхийн жорлонд ариутгалын ажил хийсэн байна. Мөн хогийн цэгийн 34 га талбайд ариутгал хийхээр төлөвлөжээ.

Дэд бүтцэд холбогдоогүй гэр хорооллын айлуудын ариун цэврийн байгууламжийг өөрчлөх төслийг Азийн хөгжлийн банктай хамтран хэрэгжүүлэх талаар Байгаль орчны яамнаас мэдээллэсэн аж. Эхний ээлжинд 1400 нүхэн жорлонг өөрчилж, төсөл амжилттай хэрэгжвэл нийт нүхэн жорлонгуудыг солих юм байна.

Нүхэн жорлон доторх бүх бодис найрлага шууд газрын хөрсөнд нэвчиж, тэр нь ундны усанд нөлөөлдөг. Гэвч жорлондоо халдваргүйжүүлэлт, ариутгал, суллалт хийдгүйгээс үүдэж эмнэлгийн байгууллагыг ачаалж, бага насны хүүхдүүдийг өвчлүүлдэг шалтгааныг нүхэн жорлонгоос үүдэлтэй өвчлөлүүд эзэлдэг аж

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ