ЧУУЛГАНЫ НЭГДСЭН ХУРАЛДААН ЭХЭЛЛЭЭ

УИХ-ын чуулганы өнөөдрийн нэгдсэн хуралдаан 10.03 цагт 51.3 хувийн ирцтэй эхэллээ.Чуулганы өнөөдрийн хуралдаанаар нийт найман асуудал хэлэлцэхээр төлөвлөснийг УИХ-ын дарга танилцууллаа.Энэ үеэр Л.Болд гишүүн, "Зарим гишүүдийн зүгээс Элчин сайдуудыг томилох асуудлыг хаалттай хэлэлцүүлэх санал гаргаж байгаа. Гэхдээ энэ асуудлыг нээлттэй хэлэлцэх ёстой. Элчин сайд томилогдож очих улсад нь байгаа Монголын иргэд тэр хүний үйл ажиллагаа, зорилго, чиглэлийн талаар мэдээлэлтэй болох нь зөв" гэлээ. Мөн тэрбээр нэг дор дөрвөн хүний томилгоог хийх нь буруу тул Элчин сайд бүрийг тусгайлан хэлэлцэх хэрэгтэй гэсэн санал хэлэв.

УИХ-ын дарга М.Энхболдын зүгээс Ерөнхийлөгч, Засгийн газар зөвшилцөөд яаралтай оруулж ирсэн тул хэлэлцээд явах нь зөв гэсэн тайлбар хэллээ. Ийнхүү чуулганаар "Монгол Улсын эдийн засаг, нийгмийг 2019 онд хөгжүүлэх үндсэн чиглэл батлах тухай" тогтоолын төслийг хэлэлцэж эхлэв