“ЭРДМИЙН БАЯР”-ААР НИЙЛЛЭГ, ЗУГААЛГА ХИЙХИЙГ ХОРИГЛОЖЭЭ

Жил бүрийн хавар Ерөнхий боловсролын сургуулиуд,их, дээд сургууль төгсөгчид анги хамт олноороо нийлэн багшдаа бэлэг сэлт өгөх, амралт зугаалга зохион байгуулдаг. Энэ нь эцэг, эхчүүдэд дарамт болох, ногоон бүсэд амарч, зугаалж яваад хуурайшилтын үед гал түймэр тавих, архи согтууруулах ундаа хэрэглэх, гэмт хэрэгт холбогдох тохиолдол гардаг. Орхон аймгийн Засаг даргын 2018 оны 04 дүгээр сарын 24-ний өдрийн А/252 дугаар захирамжаар зугаалах, аялахыг хориглож, "Эрдмийн баяр"-ыг боловсролын баримт бичиг гардуулах, төгсөгчдийн дурсгалын ногоон төгөл байгуулах зэрэг нийгэмд тустай арга хэмжээ болгон зохион байгуулахыг үүрэг болгожээ.
Энэхүү захирамжийн дагуу төлбөртэй давтлага зохион байгуулах, шалгалт далимдуулж ном гарын авлага худалдах, төгсөлтийн баярт зориулж хуульд заагаагүй төлбөр хураамж авах, эцэг эх, асран хамгаалагч нарт нь эдийн засгийн дарамт учруулах, баар, цэнгээний газар, ногоон бүсэд зугаалах, багш нарт өндөр үнэтэй бэлэг, дурсгалын зүйл өгөхийг хоригложээ