Ж.МӨНХБАТ: БИ Н.НОМТОЙБАЯРТ ЗОДУУЛААГҮЙ, ЭХНЭРЭЭ АСРААД ЯВЖ БАЙНА

Өчигдөр 17:30 минутын үед ТВ-9 телевизээр УИХ-ын гишүүн Н.Номтойбаяр, УИХ-ын гишүүн Ж.Мөнхбатыг хэвтэрт ортол нь зодож гэмтээсэн тухай мэдээллийг цацав. Энэ тухай мэдээллийг 2-3 сайтад нийтлэжээ. Энэ талаар УИХ-ын гишүүн Ж.Мөнхбатаас тодруулахад Өчигдөр 18 цагийн үедАТГ.мн, Тусгаар.мн гэдэг хоёр сайтад ийм мэдээлэл гарсан байна. Үүнийг нь тв-9 телевизийн сэтгүүлч шууд ярьсан байна. Энэ бол огт худлаа ташаа мэдээлэл, би эрүүл саруул эхнэрээ асраад явж байна. Тиймээс даваа гаригт энэ мэдээллийг бичсэн нөхдийг хуулийн байгууллагат шалгуулахаар өгнө. Би өнгөрсөн долоо хоногт УИХ-ын даргаас чөлөө аваад БНСУ-ын эмнэлэгт эхнэрээ асарч байгаа. Тэглээ ч УИХ-ын гишүүн Н.Номтойбаяр бид хоёрт маргаад байх асуудал байхгүй, юм булаацалдсан гэж бичиж ярьсан байна билээ булаацалдах ч юм байхгүй гэв. Харин УИХ-ын гишүүн Н.Номтойбаярлуу залгахад утсаа таслаад буй учир хариу тайлбар авч чадсангүй. Өчигдөр үдээс хойшхи чуулганы хуралдаанд Н.Номтойбаяр гишүүн оролцсон бол харин УИХ-ын гишүүн Ж.Мөнхбат байгаагүй аж