ӨНӨӨДӨР БОЛОХ ҮЙЛ ЯВДАЛ

09.00-10.00 цагт Эрүүл мэндийн салбарт шудрага үнэлэмж тогтоохыг шаардсан ажил хаялтын өмнөх суулт болно.

09:00 цагт Дарогон төвийн замын урд талд байрлах Токио зочид буудлын байрнаас хужаа нарын гар хөл болсон хууль шүүхийнхэн ядарсан монголчуудаа хэрхэн гудамжинд хөөн гаргаж олон тэрбум төгрөгийн луйвар хийж татвар төлөөгүйнхээ төлөө эрүүгийн хэрэг үүсгэгдэн оргон зайлсан хятадуудад үйлчилж байгаа бодит байдлаас сурвалжилаарай.

09.00-18.00 цагт Инновацийн үзэсгэлэн гарна. "Соёлын бүтээлч үйлдвэрлэл-2018" эш-онол практикийн бага хурал болно. Хурлаар соёлын бодлого, зохиогчийн эрхэд суурилсан үйлдвэрлэл, соёлын байгууллагын менежмент, марктингийн чиглэлээр илтгэл, хэлэлцүүлэг тавина.

11.00 цагт Монголын мэргэжлийн хумс урлал, гоо сайхны нэгдсэн холбооноос хумс, сормуус урлалын олон улсын аварга шалгаруулах тэмцээний талаар мэдээлэл хийнэ.

11.00 цагт Тэнгис кино театрын урд талбайд Нийслэлийн хороодын дунд Гамшгаас хамгаалах буухиа тэмцээн болно. Энэ тэмцээнээр иргэд өөрсдийгөө болон гэр бүлээ хэрхэн авран хамгаалж, анхны тусламж үзүүлж, аюулгүй газар нүүлгэн шилжүүлэх вэ гэх мэт гамшгийн үед тохиолдож болох бүх өртөөн дээр ажиллах юм.

11:00 цагт Монгол дахь Энэтхэг соёлын төвөөс санаачлан Монголын Хүүхдийн Урлан Бүтээх төв хамтран "Хүүхдийн хөгжлийн төлөө" сайн үйлсийн арга хэмжээ Монголын Хүүхдийн Урлан Бүтээх төвийн "Орд" арт галерейд болно.

19:00 цагт UB-паласын концeртын их танхимд ОУ-ын сувилагчдын өдрийг тохиолдуулан "СУВИЛАГЧ ЧАМДАА БАЯРЛАЛАА" арга хэмжээ болно. Уг арга хэмжээнд Эрүүл мэндийн сайд Д.Сарангэрэл болон 3000 гаруй сувилагч оролцоно