ПУТИН ӨНӨӨДӨР ТАНГАРАГ ӨРГӨНӨ

Тавдугаар сарын 7-ны даваа гаригт орон нутгийн цагаар 12:00 цагт (Улаанбаатарын цагаар 17:00 цагт) ОХУ-ын Ерөнхийлөгч Владимир Путин төрийн тэргүүний дөрөв дэх удаагийн тангаргаа өргөснөөр ирэх зургаан жилийн хугацаанд төрийн тэргүүнээр ажиллах талаар ТАСС агентлаг уламжлав.

Өнгөрсөн гуравдугаар сард болсон ОХУ-ын Ерөнхийлөгчийн сонгуульд түүний төлөө сонгогчдын 76.7% буюу 56.403 сая хүн саналаа өгсөн билээ. 2004 онд сонгогчдын 52.94 хувь буюу 39.7 сая хүн, 2004 онд сонгогчдын 71.31 хувь буюу 49.593 сая сонгогч Путины төлөө саналаа өгчээ. 2012 оны сонгуульд Путины төлөө 45602 сая орос санал (63.6 хувь) өгсөн байна.

Тавдугаар сарын 7-ны өдөр Кремлийн ордонд зөвхөн урилгаар зочлох боломжтой юм байна. Кремльд болох тангараг өргөх ёслолын ажиллагаанд хэдэн мянган зочин уригджээ. Түүнд ОХУ-ын Ерөнхийлөгчийн засаг захиргаа, захирагч нар, Төрийн ДУМ-ын гишүүд, Засгийн газар, Холбооны зөвлөл, гүйцэтгэх, хууль тогтоох, шүүх засаглалын төлөөлөгчид мөн шашныхан, дипломат төлөөлөгчдийн газрын тэргүүн, төрийн бус байгууллага, бизнес эрхлэгчид, шинжлэх ухаан, соёл урлаг, спортын салбарын болон сэтгүүлчдийн төлөөлөгчид багтжээ. Зочид Георгиевский, Александровскийн болон Андреевскийн танхимуудад хуваагдан байрлах аж.