МОНГОЛЫН 36 ИРГЭН ЗОРЧИЖ ЯВСАН АВТОБУС ХЯТАДЫН ХУРДНЫ ЗАМ ДЭЭР ШАТЛАА

Энэ сарын 4-ний өдөр БНХАУ-ын Эрээн хотоос Бээжин чиглэлд зорчиж явсан хот хоорондын автобус шатсан хэрэг гарчээ. Эх сурвалжийн мэдээлж буйгаар, тус автобусаар Монгол Улсын 36 иргэн зорчиж явсан аж.

Эл хэрэг өнгөрсөн долоо хоногийн пүрэв гаригийн 23:00 цагийн орчимд гарчээ. Тодруулбал, Эрээн-Бээжингийн чиглэлд зорчиж явсан хот хоорондын зорчигч тээврийн автобус Хөбэй мужийн Жанчхүү хотоос 30 км-ын зайд орших орон нутгийн хурдны зам дээр шатсан байна.

Тус автобусаар зорчиж явсан Монгол Улсын 36 иргэн гэмтэж бэртээгүй гэсэн мэдээллийг албаны эх сурвалж өгөв. Холбогдох албаныхан галын шалтгааныг тодруулахаар ажиллаж байгаа юм. МӨН НЭГ Ч МОНГОЛ ИРГЭН ГЭМТЭЖ БЭРТЭЭГҮЙ ГЭВ-

Бээжин дэх Монголын ЭСЯ-наас уг автобусаар зорчиж явсан Монгол Улсын иргэдийн хохирлыг яаралтай барагдуулахаар Хятадын талын холбогдох тээврийн компанитай холбогдон ажиллаж эхэлжээ.

Иймд Монголын ЭСЯ-наас иргэддээ хот хооронд зорчихдоо аюулгүй байдлыг хангасан тээврийн хэрэгсэл сонгож, анхаарал болгоомжтой зорчихыг анхааруулж байна.