Г.БААСАН ДАРГЫН ХИЙСЭН МЭДЭЭЛЭЛД АТГ-ААС ЗАЛРУУЛГА ГАРГАЛАА

АТГ-ын дэргэдэх Олон нийттэй харилцах төвийн дарга Г.Баасан өчигдөр хэдэн хэдэн асуудлаар сэтгүүлчдэд мэдээлэл хийсэн юм. Түүний нэг нь АТГ-ынхан УИХ-ын дарга М.Энхболдын ХОМ-ийг шалгахгүй байна гэсэн буруу ташаа мэдээлэлд нь өнөөдөр АТГ-аас залруулга гаргаж байна.
Тус газраас гаргасан залруулгад "Авлигын эсрэг хуулийн 13 дугаар зүйлд ХОМ-ийг хянан шалгах, хариуцлага хүлээлгэх үндэслэлийг заасан байдаг. Хуулийн 13.2-т "Улсын Их Хурлын гишүүний хөрөнгө, орлогын мэдүүлгийг Улсын Их Хурлын Ёс зүйн дэд хороо... шалгах бөгөөд эрүүгийн хариуцлага хүлээлгэх зөрчил илэрвэл зохих байгууллагад шилжүүлэх"-ээр заасан байгаа. Тэгэхээр УИХ-ын гишүүний ХОМ-ийг хянан шалгах эрх АТГ-т хуулиар олгогдоогүй гэсэн үг" гэжээ.