БАЯНГОЛ, ХАН-УУЛ, СОНГИНОХАЙРХАН ДҮҮРГИЙН ЭРҮҮГИЙН ХЭРГИЙН АНХАН ШАТНЫ ШҮҮХҮҮДЭД АЖИЛЛАЛАА

Шүүхийн Ерөнхий Зөвлөлийн гишүүн В.Оюумаагаар ахлуулсан ажлын хэсэг 2018 оны 04 дүгээр сарын 23-27-нд Баянгол, Хан-Уул, Сонгинохайрхан дүүргийн Эрүүгийн хэргийн анхан шатны шүүхүүдэд ажиллалаа. Ажлын хэсэгт Хэргийн хөдөлгөөний удирдлагын ерөнхий зохицуулагч Б.Сарантуяа, Шүүхийн захиргааны удирдлагын газрын дарга Ж.Сайнхишиг болон ажлын албаны референтүүд багтсан юм.

Тус шүүхийн Тамгын газрын 2018 оны 1 дүгээр улиралд хийж хэрэгжүүлсэн онцлог ажлуудын тайланг товч слайд хэлбэрээр тус шүүхийн тамгын газрын дарга Н.Чулуунжав ажлын хэсэгт танилцууллаа.

Мөн тус шүүхийн тамгын газраас шүүхэд ашиглагдаж байсан 24 компьютерын эдэлгээний хугацаа дуусч дахин ашиглах боломжгүйгээр олон цагаар гацаж үйлдэл гүйцэтгэх боломжгүй байгаа тул шинээр 24 компьютер олгуулах санал гаргав.

Энэ үеэр шүүгч, захиргааны ажилтнуудын санал, хүсэлт, сэтгэгдлийг сонсож, тодорхой асуудлуудыг цааш нь уламжилж, хариу өгөх талаар ажлын хэсгийн ахлагч илэрхийлсэн болно.