Б.АРИУНСАНГ БАТЛАН ДААЛТАД ГАРГАЛАА

Татварын ерөнхий газрын даргаар ажиллаж байсан Б.Ариунсанг үргэлжлүүлэн хорих эсэхийг Чингэлтэй дүүргийн шүүхэд хэлэлцэж шийдвэрээ гаргалаа. Прокуророос түүний таслан сэргийлэх арга хэмжээг өөрчлүүлэхээр шүүхэд хүсэлт гаргажээ. Үүний дагуу Б.Ариунсанг батлан даалтад гаргаж, хилийн хориг тавих шийдвэр шүүхээс гарлаа. Тодруулбал түүний биеийн байдалтай холбогдуулан ийм шийдвэр гаргажээ.

Б.Ариунсан татварын ерөнхий газрын дарга байхдаа Оюу толгой төсөлтэй холбогдох гэрээ, эрх зүйн баримт бичгүүдийг батлахдаа эрх мэдэл, албан тушаалын байдлаа урвуулан ашиглаж илт хууль бус шийдвэр гаргаж бусдад давуу байдал олгосон байж болзошгүй гэж үзэж яллагдагчаар татаад байгаа юм.