Ч.ХҮРЭЛБААТАР, Ц.НЯМДОРЖ НАРЫГ ОГЦРУУЛАХ САНАЛЫГ УИХ-Д МЭДҮҮЛЭХИЙГ ШААРДЛАА

УИХ дахь АН-ын бүлгээс Ерөнхий сайд У.Хүрэлсүхэд дахин шаардлага хүргүүллээ. Тус намын бүлэг өнгөрсөн долоо хоногт Сангийн сайд Ч.Хүрэлбаатар, ХЗДХ-ийн сайд Ц.Нямдорж нарыг удаа дараа хууль зөрчсөн гэх үндэслэлээр огцруулах шаардлагыг Ерөнхий сайд У.Хүрэлсүхэд хүргүүлсэн билээ. Харин энэ удаад уг шаардлагадаа "Сэтгүүлчдийг тагнаж, чагнаж, хэвлэлийн эрх чөлөөнд бүдүүлгээр халдсан үйлдэл ХЗДХ-ийн сайд Ц.Нямдоржийн үед гарлаа. Сангийн сайд Ч.Хүрэлбаатар Мод, модон материалыг импортоор оруулж ирэхдээ гаалийн болон НӨАТ-аас чөлөөлөх хуулийн төсөл өргөн барьсан. Ингэхдээ энэ оны төсөвт тодотгол хийхгүйгээр хуулийг дахин зөрчиж байна. Иймд хуулийг удаа дараа зөрчиж байгаа Сангийн сайд Ч.Хүрэлбаатар, ХЗДХ-ийн сайд Ц.Нямдорж нарыг огцруулах саналаа УИХ-д өмнө шаардлагад дурдсан хугацаанд өргөн мэдүүлэхийг АН-ын бүлэг шаардаж байна" гэжээ.Мөн 2018 оны төсөвт тодотгол хийж, тавдугаар сарын 14-ний дотор өргөн мэдүүүлэхийг шаардсан байна