АТГ-ЫН ДАРГЫГ СОНГОХ САНАЛ АСУУЛГА МАРГААШ ДУУСНА

Ерөнхийлөгч Х.Баттулга АТГ-ын дарга, дэд даргыг ард түмний санал асуулгаар тодруулах шийдвэрийг өнгөрсөн долоо хоногт гаргасан билээ.
Тодруулбал, өнгөрсөн мягмар гарагт Ерөнхийлөгчийн Тамгын газрын сайт дээр АТГ-ын дарга, дэд даргад нэр дэвшигчдийн саналыг ард иргэдээс санал асуулгаар авч эхэлсэн бөгөөд энэ санал долоо хоногийн хугацаатай үргэлжлэв. Харин дуусах хугацаа маргааш юм.
Хамгийн олон санал авсан гурван нэр дэвшигчээс хоёрыг нь УИХ-д өргөн мэдүүлэх юм. Гэхдээ нэр дэвшигч нь хуульч, эрх зүйч мэргэжилтэй байх бөгөөд төрийн байгууллагад 15-аас доошгүй жил ажилласан байх, улстөрийн албанд сүүлийн 5 жил ажиллаагүй байх ёстой гэсэн хэд хэдэн шаардлагыг хангасан байх ёстой гэдгийг тодорхой заасан. Тиймээс хаа хамаагүй хүний нэрс санал болгох боломжгүй гэдгийг бас анхаарахыг сануулсан юм.

Хамгийн гол нь ард түмний саналаар нэр дэвшигдсэн хүнийг даргад өргөн мэдүүлсэн ч УИХ-д хүлээж авахгүй байх эрх нь нээлттэй байгаа юм. Яагаад гэвэл төрийн тусгай албаны удирдлагыг ард түмнээр сонгуулах нь утгагүй зүйл, хуульд ч харшилна гэдгийг зарим нэг гишүүд, албаныхан онцолсон байгаа юм.
Юутай ч маргааш санал асуулга дуусч ЕТГ-аас мэдээлэл хийх байх. Тэр үед хэний нэр "цойлж" гарч ирснийг харах үлдлээ