КИМ ЖОН УНТАЙ УУЛЗАХ БОЛОМЖТОЙ ХОЁР ГАЗАР ШАЛГАРААД БАЙГААГ ДОНАЛЬД ТРАМП БАТАЛЛАА

АНУ-ын ерөнхийлөгч Дональд Трамп Баасан гарагийн орой сэтгүүлчдэд ярихдаа удахгүй Хойд Солонгостой хийх түүхэн уулзалтыг зохион байгуулах газраар хоёр хувилбар шалгарч үлдээд байгааг баталжээ. Тэрээр Германы канцлерь Ангела Меркельтэй хамт Цагаан ордонд хэвлэлийн хурал хийх үеэрээ "Бид уулзах газраар хоёр хувилбарыг шалгаруулаад байна. Хаана уулзахыг бид удахгүй та бүхэнд зарлах болно"  гэсэн байна. Өмнө нь зарим эх сурвалжууд эдгээр хоёр газрыг Монгол, Сингапур улсууд гэж мэдээлж байв. Энэ үеэр тэр Ким Жон Унтай хийх уулзалт үр дүнд хүрэхээргүй бол дундаас нь орхин гарч, дарамт шахалтаа цааш үргэлжлүүлнэ гэдгээ дахин амласан байна.

Баасан гарагт Өмнөд ба Хойд Солонгосын түүхэн дээд хэмжээний уулзалт амжилттай болж, талууд Солонгосын хойгт байнгын энх тайван байдал тогтоох тохиролцоонд хүрсэн. Одоо харин Дональд Трамп, Ким Жон Ун нарын уулзалтад дэлхий нийтээр анхаарал хандуулж эхэллээ.

Эх сурвалж: Yonhap News