САРУУЛ ХОТХОНД БАРИЛГЫН ХОГ БУУЛГАЖ БАЙГААД УНАЖ АМИА АЛДЖЭЭ

Admin

2018/04/24

Баянзүрх дүүргийн 26-р хороо 'Саруул'хотхонд амралтын өдрүүдэд хоёр иргэн амь насаа алдсан хэрэг гарсан. Тус хорооллын есөн давхарт шөнийн 00.01 цагт гал гарсны улмаас 27 настай эмэгтэй амиа алдсан харамсалтай хэрэг бямба гаригаас нямд шилжих шөнө 2018.04.22/ гарсан юм.

Тэгвэл хорооллын шинээр баригдаж буй барилгын есөн давхраас хүн унасан хэрэг мөн өдрийн 13 цагийн орчимд гарсан.

Баянзүрх дүүргийн 26-р хороонд дөрөвдүгээр сарын 22 -нд 13 цагийн орчимд "Барилга дээрээс хүн унаад босч ирэхгүй байна" гэсэн дуудлага цагдаагийн байгууллагад иржээ. Хэргийн газар Баянзүрх дүүргийн цагдаагийн I хэлтсийн жижүүрийн шуурхай бүрэлдэхүүн ажиллаж, Улаанбаатар хотод оршин суух хаягтай 41 настай эрэгтэй Ч нь баригдаж буй есөн давхраас барилгын хог буулгах явцдаа унаж амь насаа алдсан болохыг хэргийн газарт хийсэн шинжилгээгээр тогтоосон аж.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ