ЕРӨНХИЙ САЙД АСАН С.БАЯРЫН БИЕ МУУ БАЙНА

Авлигатай тэмцэх газраас Ерөнхий сайд асан С.Баяр, Ч.Сайханбилэг, Сангийн сайд асан С.Баярцогт, Татварын ерөнхий газрын даргаар ажиллаж байсан Б.Ариунсан, "Эрдэнэс Монгол" ХХК-ийн гүйцэтгэх захирлаар ажиллаж байсан Б.Бямбасайхан нарыг Оюу толгойн хөрөнгө оруулалтын гэрээг байгуулахдаа албан тушаалаа хэтрүүлэн ашиглаж бусдад давуу эрх олгосон байж болзошгүй гэх үндэслэлээр хэрэг үүсгэж, цагдан хориод байгаа билээ.

Прокурорын байгууллагаас тэднийг яллагдагчаар татаж, шүүхээс 30 хоног хорих шийдвэрийг гаргасан юм. Тэд эдүгээ ШШГЕГ-ын харьяа Цагдан хорих 461 дүгээр ангид саатуулагдаж байна.

Экс Ерөнхий сайдуудыг жирийн иргэнтэй ижил нөхцөлд хоригдож байгаа аж. Нэг зүйлийг хэлхэд цагдан хорих 461 дүгээр ангид бүх хүн яг ижил нөхцөлтэй байдаг. Эмнэлгийн тусламж ч цаг алдалгүй авдаг болсон. Хамгийн сүүлийн жишээнээс дурьдвал С.Баяр харшил, багтраа өвчнөөс болж бие нь муудсан, эмнэлгийн тусламж цаг алдалгүй үзүүлсэн байна. Мөн Б.Ариунсан тулуй, чихрийн шижин өвчин хүндэрсний улмаас мөн тэндээ эмнэлэгт эмчлүүлж байгаа юм байна.