​ШҮҮХҮҮД ОЛНЫ АНХААРАЛ ТАТСАН ХЭРГҮҮДИЙН ШИЙДВЭРЛЭЛТИЙН ТАЛААР МЭДЭЭЛЭЛ ХИЙНЭ

Дүүргүүдийн шүүхээс ээлж дараалан мэдээлэл хийхээр тов гарсан байна.Өнөөдөр гэхэд 11.00 цагаас Баянгол, Хан-Уул, Сонгинохайрхан дүүргийн эрүүгийн хэргийн анхан шатны шүүхүүдийн энэ оны 1 дүгээр улирлын Шүүн таслах ажиллагааны нэгдсэн дүн мэдээг танилцуулах хэвлэлийн бага хурал болно. Хурлаар олын анхаарал татсан хэргийн шийдвэрлэлтийн талаар мэдээлэл өгөх юм байна. Мөн 3 дүүргийн Ерөнхий шүүгч нар оролцох ажээ.Харин маргааш өдөр 14.00 цагаас Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхүүдийн нэгдүгээр улирлын Шүүн таслах ажиллагааны нэгдсэн дүн мэдээг танилцуулж, олны анхааралд байсан хэргүүдийг хэрхэн шийдвэрлэсэн талаар мэдээлнэ.