''ИХ ЦЭВЭРЛЭГЭЭНИЙ 90 МИНУТ" АРГА ХЭМЖЭЭ МАРГААШ БОЛНО

Улаанбаатар хотын Захирагчийн ажлын албанаас маргааш буюу энэ сарын 21-нд нийслэлийн хэмжээнд "Их цэвэрлэгээний 90 минут" арга хэмжээг зохион байгуулна.

Уг арга хэмжээг энэ сарын 14-нд зохион байгуулахаар төлөвлөөд байсан ч цаг агаарын нөхцөл байдлы улмаас түр хойшлоод байсан юм.

Бүх нийтийн цэвэрлэгээний нээлтийн арга хэмжээ маргааш 10.30 цагт Сүхбаатарын талбайд болох юм. Харин цэвэрлэгээний үйл ажиллагаа 11.00-12.30 цагт нийслэлийн хэмжээнд өрнөнө. Энэхүү үйл ажиллагаанд Нийслэлийн харьяа газар, агентлагийн бүх ажилтан албан хаагч, Ерөнхий боловсролын сургуулийн Эко клубийн сурагчид, хог хаягдлыг дахин боловсруулах үйлдвэрийн ажилтан, албан хаагчид болон үйл ажиллагааг сурталчлахаар автомашины болон мото спорт, ууланд авирагчдын клубууд оролцох юм. Мөн иргэн, аж ахуйн нэгжүүдийг ч уг үйл ажиллагаанд идэвхтэй оролцохыг уриалж байна