“УЛААНБААТАР ЦАХИЛГААН ТҮГЭЭХ СҮЛЖЭЭ ТӨХК” ШӨНИЙН ТАРИФЫГ ТЭГЛЭХ ХУГАЦААГ НЭГ САРААР УРАГШЛУУЛСАН БАЙЖЭЭ

ШӨХТГ-Т энэ оны дөрөвдүгээр сарын 10-ны өдөр Баянзүрх дүүргийн 27 дугаар хорооны иргэн Д, Чингэлтэй дүүргийн 19 дүгээр хорооны иргэн Ц, нараас Эрчим хүчний зохицуулах хорооноос Шөнийн тарифыг тэглэсэн гэх боловч төлбөрийн нэхэмжлэл ирж байна гэх гомдлын дагуу шалгажээ. Нийслэлийн гэр хорооллын бүсэд орших хоёр тарифт тоолууртай айл өрхийн орой, шөнийн цагт хэрэглэсэн цахилгааны тариф болон сэргээгдэх эрчим хүчийг дэмжих тарифийг 2017 оны 11 дүгээр сарын 01-ний өдрөөс 2018 оны 4 дүгээр сарын 01-ний өдрийг хүртэл хугацаанд 100 хувиар хөнгөлөхийг Цахилгаан түгээх, хангах тусгай зөвшөөрөл эзэмшигчдэд үүрэг болгосон байна. Гэтэл “Улаанбаатар цахилгаан түгээх сүлжээ" ТӨХК тогтоолын хугацааг мөрдөхгүйгээр 2017 оны аравдугаар сарын 01-ний өдрөөс 2018 оны гуравдугаар сарын 01-ний өдрийн хэрэглээнд хөнгөлөлт тооцож, хөнгөлтийн хугацааг нэг сараар урагшуулж иргэдийг хохироожээ.