БОХИР УСНЫ ХООЛОЙНООС ОЛСОН ШАВРЫГ МУЗЕЙД БАЙРЛУУЛЖЭЭ

Лондон хотын иргэд өнгөрсөн жил Британий нийслэлийн муу усны хоолойноос олдсон 130тонн жинтэй шаврыг музейд үзэж болохоор боллоо. "Museum of London" хүнсний бүтээгдэхүүний хаягдал болоод нойтон салфетка нийлж хатан чулуу хэлбэртэй болсон шаврыг музейдээ байрлуулаад байгаа юм. Уг шаврыг өнгөрсөн жилийн 9-р сард хотын Вайтчапел дүүрэгт байдаг 19-р зуунд байгуулагдсан бохир усны системээс олжээ. Музейн зохион байгуулагч Шарон Робинсон Калвер "Манай бохир усны хоолойнууд аюулд ороод байна" гэж хэлсэн байна. Хүн амын тоо өсч өөх тос ихтэй хүнс хэрэглэх болсонтой холбоотойгоор ийм шаварнууд хоолойноос олдох болжээ. 250м урттай уг шаврыг хараад сантехникийн ажилчид өөрсдөө ч цочролд орсон байна. Тухайн үед хоолойн засварын ажилтан Матт Ример "энийг салгах нь яг л бетон салгаж байгаатай адил" гэж хэлж байсан юм. Шарон Робинсон Калвер мөн "Энэхүү үзмэрийг байрлуулахад биднээс маш их чадвар шаардсан. Энэ маш аюултай бас бактериар дүүрэн үзмэр" гэж хэлжээ.