​Баянхошууны таксины жолооч: Бидэнд шатахууны үнийн өсөлт, оочер дараалал хамгийн том бэрхшээл болж байна

Баянхошууны такси үйлчилгээний жолооч Б.Сүхбаатар: Үйлчлүүлэгчдийнхээ авсан бараа, ачааг өргөж, нүүрс байсан ч гэрт нь оруулж өгнө. Хүмүүс эд зүйлээ мартсан, гээсэн байвал эзэнд нь буцааж өгдөг. Бидний хувьд хүний итгэлийг алдахгүй байх л хамгийн чухал

Баянхошууны такси үйлчилгээг 40-70 орчим насны 20 гаруй ах нар хамтран эрхэлж байна. Тэд өглөөний 07:00 цагаас оройн 22:00 цаг хүртэл жолоо мушгиж, амьдралынхаа төлөө зүтгэж явна.

Баянхошууны хуучин эцэст худалдааны төвүүд олонтой учраас хүний хөл хөдөлгөөн их. Тэднийг хүмүүс дахин дахин сонгодог шалтгаан нь зөвхөн унаа үйлчилгээ биш. Жолооч нар үйлчлүүлэгчдийнхээ бараа, ачааг өргөж, нүүрсийг нь хүртэл гэрт нь оруулж өгнө. Хүмүүсийн мартсан, гээсэн эд зүйлсийг ч эзэнд нь буцааж өгдөг. Тэдний хувьд хүний итгэлийг алдахгүй байх л хамгийн чухал аж.

Ойрын хоёр километрийн радиуст 5000 төгрөгөөр үйлчилдэг тэдний хувьд шатахууны үнийн өсөлт, оочер дараалал хамгийн том бэрхшээл болж буйг ярьлаа