ИСПАНИЙ САНГИЙН САЙД ЕТБ-НЫ ОРЛОГЧИД НЭР ДЭВШЛЭЭ

Испани улс сангийн сайд Луис дэ Гуниндосыг ЕТБ-ны дэд ерөнхийлөгчид нэр дэвшүүлээд байна. 58настай түүнийг нэр дэвшүүлэх хүсэлтийг Евро бүлгийн тэргүүн Марио Сентеноод хүлээлгэн өгсөн гэж сангийн яамнаас мэдэгдлээ. ЕТБ-ны тэргүүн Марио Драгигийн орлогчоор ажиллаж байгаа Португалийн Витор Констансиогийн сонгуульт хугацаа 5-р сарын сүүлчээр дуусч байгаа болохоор түүний ажлыг залгамжлагчийг тодруулах шаардлагатай болоод байгаа юм. Ирланд улс ч мөн өөрийн төв банкны тэргүүн Филип Лейнийг уг албан тушаалд нэр дэвшүүлээд байна. Луис дэ Гуниндос нь эдийн засагч мэргэжилтэй төдийгүй Испаний ерөнхий сайд Мариано Рахайгийн удирддаг консерватив ардын намын гишүү юм. Тэрээр орлогчийн албан тушаалд томилогдвол, Холбооны улсын төв банкны тэргүүн Еэнс Вайдманн ЕТБ-ны тэргүүний суудалд суух магадлал өснө гэж ажиглагчид таамаглаж байна.