ЕВРОПЫН ПАРЛАМЕНТ ЗУНЫ ЦАГИЙН ХУВААРЬТ ШИЛЖИХ ЭСЭХИЙГ

3-р сарын 25-ны өдөр зуны цагийн хуваарьт шилжиж Европын орнууд цагаа нэг цагаар урагшлуулдаг. Энэ нь олон хүний дургүйцлийг хүргэдэг билээ. ЕХ-ны комисс өнгөрсөн оны 8-р сард цаг урагшлуулах, ухраах явдлыг зогсоохоор шалгаж байсан юм. Парламентын бүлгүүдэд байдаг гишүүд цагийн өөрчлөлтийг хүмүүсээс гадна амьтдын эрүүл мэндэд сөргөөр нөлөөлдөг гэж үзэж байгаа бол зам тээврийн асуудал эрхэлсэн комиссар Виолета Булк одоогийн байдлаар ЕХ-ны нэг ч улс орон цагийн өөрчлөлтийг болиулах талаар хүсэлт гаргаагүй гэж мэдэгдлээ. Парламентын гишүүн Хайнц Беккер "Цагийн өөрчлөлтийн талаар олон судалгаа явагдаж байсан. Олон тооны судалгаа эрүүл мэндэд сөргөөр нөлөөлдгийг баталсан. Цагийн өөрчлөлт хийгдсэний дараа зам тээврийн ослын тоо 30хувиар нэмэгдэж, 100 хүртэл тэрбум еврогийн хохирол учирдаг" гэж хэлсэн байна. Ямартай ч Штрассбург дахь Европын парламент эцсийн шийдвэрийг гаргахаас өмнө эхлээд цаг урагшлуулах нь ямар хортой болохыг шалгаж судлах нь зүйтэй гэж үзлээ.