НОРВЕГИ УЛС УСАН ДООРХ ЗООГИЙН ГАЗАРТАЙ БОЛНО

Далайн бүтээгдэхүүнийг усны дэргэд иддэг бол дэлхийд анх удаа усан дотор зооглох боломжтой болоод байна. Хоргодох газрыг санагдуулах "Under" буюу доор нэртэй зоогийн газар 2 жилийн дараа Норвеги улсын өмнөд эрэгт, Балийн ойролцоо нээгдэх юм байна. Энэ төслийг хэрэгжүүлж байгаа архитекторын хэлж байгаагаа энэ газар нь зоогийн газар байхаас гадна далайтай танилцах хүсэлтэй хүмүүст ч боломж олгох юм. Норвеги улсын "Снохетта" уран барилгын товчоо нь Египт улсын Александриад барьсан номын сан, Осло хотын дуурийн театраараа алдартай бол энэ удаад усан доорх байгууламжаар олны анхаарлыг татахаар төлөвлөж байна. Усан дотор байрлуулах бетон байгууламжийн гадна хэсэгт хясаа зэрэг амьтад нутагшсанаар усны амьтдын хувьд бас нэгэн амьдрах орчин бүрдэх боломжтой юм. "11м урттай, 4м өргөнтэй эргэн тойронд шилэн ханаар хүрээлэгдсэн усан доорх барилга нь усны гүний амьдралыг харах боломжийг зочиддоо олгох болно. Энэ барилгыг бид байгальд хор нөлөөгүй материалаас гадна орчин тойрондоо нөлөөлөхгүй байхаар бүтээх болно гэж" "Снохетта" барилгын товчоо мэдэгдлээ. Усан доорх барилга 2 давхартай байхаас гадна, хүлээн авах хэсэг, оргилуун дарсны бар, зоогийн газраас бүрдэж нэг доор зуу орчим зочдыг хүлээн авах чадалтай байх юм.