ЭЛТОН ЖОН ХАНХҮҮ ХАРРИГИЙН ХУРИМАНД ОРОЛЦОНО

Алдарт дуучин Элтон Жон (70) Их Британий хатан хааны гэр бүлийн дотны найз гэдгийг хүн бүр мэднэ. Диана гүнжтэй амьд ахуйд нь тэрээр сайн найзууд байсан. Ханхүү Харри (33) болон түүний сүйт бүсгүй Меган Марбл (36) нарын хуриманд оролцохын тулд Элтон Жон 5-р сарын 18, 19-ний өдрүүдэд Лас Вегас хотын "Цезарь паласт" хийхээр төлөвлөөд байсан хоёр тоглолтоо цуцлаад байна. "Дейли Мейл" сонины вебсайт дээр тавьсан мэдээллээс харахад эдгээр тоглолтуудыг хуваарь давхацсан учраас цуцлах болсон боловч тоглолтуудыг хэзээ нөхөх нь тодорхойгүй байгаа юм. Элтон Жон 20жилийн өмнөДиана гүнжийн хуримын үеэр дуулж байсан бол энэ удаад ч мөн шинэхэн хосуудын хуримын үеэр Виндзорын ордонд ая дуугаа өргөнө гэсэн таамаг олны дунд яригдаж байна. Тэрээр 2011 онд болсон ханхүү Уиллиам, гүнгийн авхай Кейт Мидлтон нарын хуриманд мөн уригдаж байсан юм. Дуучин маань 2018оны 9-р сараас эхлэн "Farewell Yellow Brick Road" нэртэй 120 тоглолтыг хийх бөгөөд энэ нь түүний сүүлчийн салах ёс хийх аялан тоглолт юм.