ЭРТНИЙ МАЯАЧУУДЫН АМЬДАРДАГ БАЙСАН ХОТЫГ ГАЗАР ДООРООС ИЛРҮҮЛСЭН БАЙНА

Лазерийн системийн тусламжтайгаар судлаачид Гуатемала улсын хойд хэсэгт байдаг ширэнгэн ойн газар доор эртний Маяачуудын хот байгааг илрүүлсэн байна. Олон зуун жилийн турш эдгээр нурангиуд зузаан ургасан ургамлуудын доор нуугдаж байжээ. Олон улсын судалгааны багийнхан "Лидар" нэртэй ургамлыг нэвт хардаг радарын системтэй төстэй системээр хайлт явуулж байгаад өнөөг хүртэл танигдаагүй байсан 60000гаруй байшин, ордон, гудамж талбай бүхий эртний хотыг илрүүлсэн гэж "National Geographic" мэдээллээ. Нью Йорк дахь Итака коллежийн эрдэмтэн Томас Гаррисон "Эртний Маяагийн соёл иргэншил 3000орчим жилийн өмнө Төв Америкт үүссэн бөгөөд МЭӨ 250-900-аад оны үед ид хүчээ авч байсан. Энэхүү ололт нь шинжлэх ухааны салбарыг маш том нээлт болж байна" гэж хэлсэн байна. "Лидар"системээс авсан мэдээллээс харахад эртний Маяачуудын хот нь бидний төсөөлж байснаас илүү шигүү байрлалтай, бас харилцаа холбоо сайн хөгжсөн байжээ. Энэ төслийг Гуатемала улсад соёлын өвийг хамгаалах үйл ажиллагаа явуулдаг "Пакунам сан" зохион байгуулж 2100км2 талбайг судалсан байна.