ИРАН УЛСАД ИЖИЛ ХҮЙСТНҮҮДИЙГ ХАТУУ ШИЙТГЭДЭГ

Иран улсын улс төр, эдийн засаг, соёл урлагийн төв болсон 12 сая оршин суугчий бүхий Тегеран хотын төвд Каримкхан гэх дүүрэг байна. Энэ дүүрэгт байдаг "Кафе Сэ" нэртэй кафед олон төрлийн кофе худалдаалдагаас гадна цэцэрлэгт нь жижиг худаг байдаг байна. Уг кафед ирсэн эмэгтэйчүүдийн толгойн алчуур гулгаж унасан тохиолдолд тэд алчуураараа толгойгоо далдлах гэж яаралгүй 10секунд орчим хүлээдэг байна. Иран улсад ижил хүйстнүүдийг хатуу шийтгэдэг хууль үйлчилдэг боловч лесби болон гомо иргэд интернэтийн тусламжтайгаар хосоо олсоор байгаа юм. Караж хотын их суруулийн оюутан, өөрийгөө Пари гэж танилцуулсан 25 настай бүсгүй "Би өсвөр настай байхдаа л эмэгтэй хүн сонирхдог гэдгээ мэдсэн. Дуучин Рианнагийн "Ти Амо" дууны клип болон 2003 оны "Видео Мюзик Авардс" шагнал гардуулах ёслолын үеэр Бритни Спирс, Мадонна нар үнсэлцсэн нь миний анхаарлыг маш их татсан" гэж хэлсэн юм. Ираны засгийн газар ижил хүйстнүүдийг олон нийтийн эмх журмыг зөрчиж байна гэж үздэгээс гадна үндсэн хуулийн 238-р зүйлд лесби иргэдийг 100 удаа ташуурдана гэж заасан байдаг. Ерөнхийлөгч Махмуд Амадинеджад 2007онд АНУ-ын Колумбия их сургуулийн оюутнуудын өмнө тавьсан илтгэлдээ "Иранд ижил хүйстнүүд байдаггүй" гэж хэлж байжээ. Түүнээс гадна Иранд ижил хүйстнээ сонирхох явдлыг өвчин гэж үздэгээс гадна хагалгаа хийлгэхийг шаардаг байна. Тэднийг буруу биед төрсөн хэмээн үзэж хагалгааны зардлын талыг төлдөг байна.