ЖАСТИН ТИМБЕРЛЕЙК ШВЕЙЦАРИ, ХБНГУ-УУДАД АЯЛАН ТОГЛОНО

Алдарт дуучин Жастин Тимберлейк (37) Супербоулын завсарлагаанаар өөрийн чадварыг дахин баталсан бол энэ удаад Европын шүтэн бишрэгчдийн хувьд сэтгэл хөдөлгөсөн мэдээг дуулгаад байна. Тэрээр Европын орнуудаар томоохон аялан тоглолт хийхээр төлөвлөж байгаа юм. 2-р сарын 2-ны өдөр нээлтээ хийсэн "Man of the woods"цомгийнхоо аялан тоглолтыг тэрээр ХБНГУ, Швейцари зэрэг орнуудад хийх бөгөөд 7-р сарын 21-ний өдөр Кёльн хотын Ланксесс Аренаад тоглохоор болжээ. Түүнээс гадна 8-р сарын 8-ны өдөр Хамбург хотын Баркликард цэнгэлдэхэд, 12-ны өдөр Берлин дахь Мерседес Бенц цэнгэлдэхэд, 16-ны өдөр Швейцариын Цюрих хотын Халлэн стадионд, 20-ны өдөр Германы Франкфурт хотуудад тоглох юм. Герман улсад болох тоглолтуудын тасалбарыг 2-р сарын 12-ны 10цагаас эхлэн борлуулж эхлэхээр болсон байна. Тимберлейкийн шүтэн бишрэгчдийн клубийн гишүүд давуу эрхтэйгээр тасалбараа захиалах боломжтой гэсэн болвч одоогийн байдлаар тасалбар ямар үнэтэй байх нь тодорхойгүй байна.