АНУ-ЫН ТЭРГҮҮН ХОСУУДЫН ХАРИЛЦАА ДАХИН ОЛНЫ НҮДЭНД ӨРТӨВ

АНУ-ын хэвлэл мэдээллийн байгууллагууд ноён ерөнхийлөгчийн гэр бүлийн харилцаа гүн хямралтай байгаа гэж мэдээлж байна. Тэдний таагүй харилцаа 2017оны 5-р сард анх олны анхаарыг татжээ. Тэр үед Доналд Трамп Тель Авивын нисэх буудал дээр тэргүүн хатагтайн гарнаас барих гэтэл Мелания гарын нь цохин холдуулсан байна. Тэгвэл энэ үйлдэлтэй төстэй үйл явдал даваа гарагт дахин болсон байна. Хосууд цагаан ордны хашаанд хүлээж байсан "Marine One" хэмээх ерөнхийлөгчийн нисдэг тэргэнд суухаар явж байх үеэрээ ерөнхийлөгч эхнэрийнхээ гараас хөтлөн хэвлэлийнхэн рүү гараараа даллах гэсэн боловч Мелания Трамп хажуугаар нь зүгээр л өнгөрөөд явчихжээ. Энэ үйл явдалтай холбоотойгоор иргэд твиттер цахим хуудсанд өөрсдийн сэтгэгдлийг бичиж байгаа юм. Нэгэн иргэн "Мелания яагаад хүрмээ үргэлж мөрөн дээрээ тохдогийг би ойлголоо. Тэр ерөнхийлөгчтэй хөтлөхгүйн тулд гараа нуудаг юм байна" гэж бичсэн бол өөр нэгэн иргэн "Би тэргүүн хатагтайг яагаад хүрмээ өмсдөггүй юм бол гэж гайхдаг байлаа. Одоо л учрыг нь ойлголоо" гэх мэтээр бичиж байна.