McDonalds”-ЫН ШАРСАН ТӨМС ҮСНИЙ УРГАЛТЫГ ТҮРГЭСГЭДЭГ НЬ БАТЛАГДЛАА

"McDonalds" түргэн хоолны газрын бүтээгдэхүүнүү эрүүл мэндэд сайн бус гэдгийг хүн бүр мэддэг. Тэдний тахианы бөөрөнхий мах нь тахианы махаар бус нарийн боовны газрын үйрмэгнээс бүтдэг гэгддэг бол шарсан төмсөнд нь Полидиметилсилоксан (PDSM) гэсэн химийн бодис агуулагддаг байна. Энэхүү силикон тосыг мөн бэлгэвч хийхэд ашигладаг байна. Хүнсний салбарт энэ бодисыг "Е-300" гэж нэрлэдэг төдийгүй төмс шарж байгаа тосыг хөөсрүүлдэггүй гэдгээрээ алдартай юм. Япон улсын Ёокохамагийн их сургуулийн судлаачид хулгана дээр явуулсан судалгаагаара "PDSM" нь үс уналтаас урьдчилан сэргийлж, үс шинээр ургах явцад нөлөөлдгөөс гадна үсний ургалтыг хурдасгадаг болохыг баталсан байна. Тиймээс судлаачид энэ туршилтыг удахгүй хүмүүс дээр явуулах боломж олдоно гэдэгт итгэлтэй байгаа гэж "Дейлли Мейл" мэдээллээ. Гэвч одоогийн байдлаар хэзээ үс ургуулдаг анхны "Мак" эм гарахыг хэлэх боломжгүй юм. Мэргэжилтнүүд хэдий үсээ ургуулахыг хүсч байгаа ч гэсэн таргалахыг хүсэхгүй байгаа бол өдөр бүр "McDonalds" –ын шарсан төмсийг идэхгүй байхыг санууллаа.