ЯПОНЫ ГҮНЖ МАКО СҮЙ ТАВИХ ЁСЛОЛОО ХОЙШЛУУЛЛАА

Япон улсын гүнж Мако их сургуульд хамт сурч байсан Кей Комуротой сүй тавих ёслолоо хойшлуулж байгаагаа эзэн хааны ордны зөвлөлөөр дамжуулан мэдэгдлээ. Эзэн хаан Акихито хаан суудлыг өөрийг хү Нарухитоод шилжүүлэн өгсний дараа тэд сүй тавих болоод хуримын ёслолоо хийхээр болсон байна. Японы эзэн хаан 2019 оны 4-р сарын 30-ны өдөр өөрийн хүсэлтээр хаан суудлыг хүүдээ шилжүүлэн өгөх хүсэлт гаргасан бөгөөд 200жилийн туршид анх удаа хаан суудлаа шилжүүлэн өгч байгаа тохиолдол юм. Тиймээс 26 настай гүнжийн хурим 2020оноос нааш болохгүй нь тодорхой болжээ. Мако гүнж сүй тавих ёслолоо хойшлуулж байгаадаа харамсаж байгаагаа илэрхийлсэн бол түүний найз залуу Комуро энэхүү саналыг нь дэмжиж байгаа гэж тус улсын хэвлэл мэдээллийн байгууллагууд мэдээлж байна. Хосууд хэдэн жилийн өмнө нэгэн найзаараа дамжуулан "Интернейшнал Кристиан Юниверсити" сургуульд байхдаа танилцаж, өнгөрсөн оны 9-р сараас сүй тавихаар болсноо мэдэгдсэн юм. Мако гүнж 3-р сарын 4-ний өдөр сүй тавихаар төлөвлөж байжээ.