2016 ОНЫ ЕРӨНХИЙЛӨГЧИЙН СОНГУУЛЬТАЙ ХОЛБООТОЙ ТАЙЛАНГ ДЭЛГЭНЭ

АНУ-д ерөнхийлөгч Доналд Трампын сонгуулийн хороо ОХУ-тай холбоотой байсан гэсэн маргаан үргэлжилсээр байна. Ардчилсан намынхан сенатын танхимд санал тавьснаар уг хэрэгтэй холбоотой өөрсдийн хийсэн ажлын тайланг дэлгэх эрхтэй болоод байна. Энэ удаад Холбооны мөрдөх товчоо Доналд Трамдын ажилтан байсан хүнийг шалгасан талаар асуудал яригдаж байгаа юм. "Бид цагаан ордныг бидний гаргасан тайланг улс төрийн зорилгоор өөрчлөхгүй байх баталгааг хүсч байгаа юм. Вашингтон дахь улс төрийн олонхи эргэлзээтэй тайлан гаргаж, бидэнд хариулт өгөх боломж олгоогүй. Бидний гаргасан энэ тайлан Америкийн иргэдийн хувьд маш чухал мэдээллүүдийг агуулж байгаа гэдэгт бид итгэлтэй байгаа" гэж уг тайланг бичсэн Ардчилсан намын гишүүн Адам Шифф мэдэгдлээ. АНУ-ын ерөнхийлөгч Доналд Трамп твиттер цахим хуудсаараа дамжуулан Шифф рүү дайрч, түүнийг итгэл даахгүй, улс төрийн албан тушаалд шунадаг хүн гэж хэлснээс гадна өнгөрсөн 7хоногт гарсан хэргийн анхны тайлан өөрийнх нь бодолтой таарч байгаа гэж бичсэн байна. Ардчилсан намаас гаргах гэж байгаа тайланг Холбооны мөрдөх товчоо зөвхөн Трампын эсрэг сэдэлтэйгээр хийсэн гэж буруутгаж байгаагаас гадна шүүмжлэгчид чухал баримтуудыг орхигдуулсан гэж үзэж байгаа юм. Энэхүү мөрдлөг нь Трампын сонгуулийн хороо 2016онд болсон ерөнхийлөгчийн сонгуулийн үеэр тус улстай хамтран ажилласан эсэхийг тогтооход чиглэгдсэн юм.