МОНГОЛ УЛС ТҮҮХЭН СОЁЛЫН ДУРСГАЛТ ГАЗРАА ИРГЭНДЭЭ ӨМЧЛҮҮЛЧИХЭЭД ХЯНАЛТ ТАВЬЖ ЧАДАХГҮЙ ӨНӨӨДРИЙГ ХҮРЛЭЭ

Монгол улсын анхны ерөнхий сайд намнансүрэнгийн амьдарч байсан түүхэн барилга өнөөдөр хог шороондоо дарагдан байна. Учир нь газрыг нь 2014 онд Мөнхэрдэнэ гэх иргэн өмчилж авсанаар соёлын газар хяналт тавих эрхгүй, өмчилсөн иргэн өөрчилж болохооргүй нөхцөл үүссэн байна. Баянзүрх дүүргийн 6-р хорооны нутаг дэвсгэрт хуучирч элэгдэж хэн ч тоохоо больсон хог новшоор хашаа нь дүүрсэн энэ барилга бол анхны ерөнхий сайдын амьдарч ажил хэргээ явуулж байсан газар. Гэхдээ одоо энэхүү барилга доорх газартайгаа хэний эзэмшилд байгаа нь тодорхойгүй. Уг нь 2014 онд тус газрыг Мөнх-эрдэнэ гэх иргэн өмчилж авсан байдаг ч дээр нь ямар нэг үйл ажиллагаа явуулах эрхгүй болохоор одоо хэнд ч хэрэггүй мэт хаягдан үлдээд байна. энэхүү түүхэн дурсгалт газар өв соёл нь одоогоор нэг иргэний өмчид байна. Монгол улс өөрийн дурсгалт газраа түүхээ хүртэл иргэндээ зарсан үйлдэл гэж харж болохоор байгаа юм. Хамгийн гол нь яаг одоо энэ барилга элэгдэж муудсан дээрээсээ хог новшиндоо дарагдан хараа хяналтгүй байгаа нь устаж үгүй болох эрсдэл бий болоод байна.