ӨРГӨН ХЭРЭГЛЭЭНИЙ БАРАА БҮТЭЭГДЭХҮҮНИЙ ҮНЭ 300-500 ТӨГРӨГӨӨР НЭМЭГДЖЭЭ

10 хоногийн дараа уламжлалт сар шинийн баяр тохиож байна. Сар шинээр айл бүхэн ирэх жилийн өнгөө билигдэж идээ таваг дүүрэн байхыг эрмэлздэг. Гэтэл өнөөдөр өргөн хэрэглээний бараа бүтээгдэхүүний үнэ бүгд өссөөр нэг айлын сар шинийн баярын ширээ 800 мянгаас 1 сая төгрөгийн хооронд бий болж байна. өргөн хэрэглээний бараа бүтээгдэхүүний үнэ баяр наадам ойртох тусам нэмэгддэг нь нууц биш. Энэ жилийн тухайд ч гэсэн бүхий л төрлийн хүнсний бүтээгдэхүүнүүд нэмэгдсэн байна. Жишээ нь махны үнэ 1 сарын өмнөхтэй харьцуулахад кг тутамдаа 1000-2000 төгрөг, гурил будаа 200-300 төгрөг, аль үйлдвэрээсээ хамаараад хэвийн боов нэг ширхэг нь 1900-3000 төгрөг, ааруул 10000-30000 мянган төгрөг болжээ. Монгол улсын засгийн газраас тэтгэвэрийн хэмжээг багахан хувиар нэмэгдүүлсэн мөн бензиний хомсдол үүсч үнэ нь хэлбэлзэлтэй байсан зэрэг шалтгаанууд нь өргөн хэрэглээний бараа бүтээгдэхүүний үнэ нэмэгдэх гол шалтгаан болсон гэдгийг хэлж байгаа юм.