ОХУ-ЫН 15 ТАМИРЧНЫГ ӨВЛИЙН ОЛИМПОД ОРОЛЦУУЛАХААС ТАТГАЛЗСАН БАЙНА

Өвлийн олимпийн наадам эхлэх хаяанд ирчихээд байгаа энэ үед допингийн асуудлаас болоод ОУОХ Оросын 13 тамирчин, 2 дасгалжуулагчид Өмнөд Солонгос руу явах эрх өгөхөөс татгалзсан шийдвэрийг гаргаад байна. Хэдийгээр Олон улсын спортын шүүх байгууллага болох "CAS" дээр дурьдагдсан ОХУ-ын 15 иргэний хориог цуцалсан боловч хараат бус хянан шалгах хорооноос тэднийг Пёнячаны наадамд оруулахаас татгалзаад байгаа юм. "CAS" олон улсын шүүх байгууллага ОУОХ-ны гаргасан Оросын 28 тамирчныг тэмцээнд оруулахгүй гэсэн хориог допинг хэрэглэсэн гэсэн хангалттай нотлох баримт байхгүй хэмээн үзэж цуцалснаар тамирчид наадамд оролцоно гэж найдаж байсан юм. Гэвч тамирчдыг тэмцээнд оруулахгүй гэж шийдсэнээр Өмнөд Солонгост болох тэмцээнд ОХУ 169 тамирчинтайгаар, олимпийн далбаан доор оролцохоор болоод байна. Дээрх тамирчдад хориг тавих болсон шалтгаан нь ОХУ-ын багийн тамирчдад Сочигийн олимпийн үеэр бодлоготойгоор донпинг хэрэглүүлсэн гэсэн мэдээлэл гарсантай холбоотой юм.