ОХУ ИДЛИБ МУЖИД ЯВУУЛЖ БАЙГАА БӨМБӨГДӨЛТӨӨ ЭРЧИМЖҮҮЛЛЭЭ

ОХУ-ын арми Сирийн хойд хэсэгт байдаг Идлиб мужид дахин бөмбөгдөлт явуулж эхэллээ. Ингэснээр тус улсын засгийн газар өөрийн улсын байлдааны онгоцыг буудан унагаж, нисгэгчийг нь хороосны хариуг авч байна гэж ажиглагчид үзэж байна. Сирийн иргэний хамгаалалтын газрын мэдээлж байгаагаар байлдааны онгоцнууд 5 хотоос гадна Саракеб болон Идлиб мужийн адил нэртэй хамгийн том хотод бөмбөгдөлт явуулж, энэ үеэр олон хүн амь насаа алдаж, шархадсан төдийгүй нэг эмнэлэг болон олон тооны барилга байшин эвдэрч сүйдсэн байна. Идлиб хотод 5 давхар байшин нурж аврах албаны ажилчид нурангинд дарагдсан байж мэдэх иргэдийг хайсаар байна. Саракеб хотод 9 иргэн хорт хийнд хордсон, энэхүү хий нь хлорын хий байсан гэж гэж цагаан дуулгатнууд мэдээллээ. Сирийн арми болон түүний холбоотнууд өнгөрсөн 12-р сард ОХУ-ынагаарын армийн тусламжтайгаар Идлиб мужийг эргүүлэн авах дайралтыг эхлүүлсэнтэй холбоотойгоор олон арван мянган иргэн орон гэрээ орхин дүрвээд байна. ОХУ-ын байлдааны онгоцыг буудан унагаасан явдлыг Идлиб мужийн газар нутгийг хянадаг Ал Каида алан хядах бүлгийн сүлжээ болох Хажат Тахрир Ал Шам гэх бүлэг үйлдсэн гэдгээ хүлээгээд байгаа юм. ОХУ-ын зүгээс энэ удаагийн дайралтыг онгоц унасангазар нутагт явуулж 30 босогчийг хороосон гэж мэдэгдлээ. Одоогоор Сирийн босогчдын хувьд Идлиб муж нь сүүлчийн цайз болоод байна.