“САМСУНГ” КОНЦЕРНЫ ӨВ ЗАЛГАМЖЛАГЧ ХУГАЦААНААСАА ӨМНӨ СУЛЛАГДЛАА

Өмнөд Солонгосын "Самсунг" концерны өв залгамжлагч И Жэ Ёон хорих газраас суллагдаад байна. Авлига авсан хэрэгт буруутай нь тогтоогдон 5жилийн хорих ял эдэлж байгаа түүний ялыг давж заалдах шатны шүүгч 2,5жилийн тэнсэн харгалзах ял болгон өөрчилсөн байна. И Жэ Ёон нь ухаалаг утсаараа дэлхийн зах зээлд тэргүүлэгч "Самсунг электсроникс" концерны орлогч захирал юм. Түүнийг экс ерөнхийлөагч Пак Гён Хыгийн найз эмэгтэйгээр дамжуулан авлигын хэрэгт буруутай хэмээн үзэж шүүхээс хорих ял өгсөн юм. Тус концерн экс ерөнхийлөгчийн найзад их хэмжээний мөнгө өгч оронд нь өөрийн хоёр охин компанид улс төрийн тусламж дэмжлэг авдаг байжээ. 49 настай И Жэ Ёоныг хорих шийдвэр гараад 5сар өнгөрч байгаа боловч тэрээр өнгөрсөн оны 2-р сараас хойш хоригдож байгаа юм. Тэрээр суллагдсаныхаа дараа "Энэ хугацаанд өөрийнхөө тухай их зүйл бодсон" гэж хэлсэн байна.