ХУЛГАЙ ДЭЭРМИЙН ХЭРГҮҮД НЭМЭГДЖЭЭ

Сар шинийн баяр болох гэж буйтай холбогдуулан ууц, идээ будааны хулгайн хэрэг ихсэх хандлагатай байгааг ЦЕГ-ын хэвлэл мэдээлллийн төвийн ахлах мэргэжилтэн, ахлах дэслэгч М.Мөнхшүр мэдээлж байна.

Түүнчлэн хөдөө орон нутгаас нийслэл рүү чиглэсэн хөл хөдөлгөөн ихсэж буйтай холбоотойгоор томоохон худалдааны төвүүдэд халаасны хулгайн гэмт хэргийн гаралт ч нэмэгджээ. Мөн иргэдийг орой үдшийн цагаар зодож, дээрэмдэх хэрэг гарсаар байна. Хулгайд эд зүйлээ алдаж, дээрэмдүүлсэн иргэдийн дийлэнх нь сар шинийнхээ бэлтгэлийг хангахаар хамаг мөнгөө аваад явж байгаад ийн хулгайч, дээрэмчдийн өгөөш болж буйг хэлж байна. Тиймээс иргэд та бүхнийг сонор сэрэмжтэй байхыг цагдаагийн ерөнхий газраас анхааруулж байна.