КИПР УЛСАД ЕРӨНХИЙЛӨГЧИЙН СОНГУУЛЬ БОЛЛОО

Кипр улсад ерөнхийлөгчийн сонгууль боллоо. 2013 оноос хойш ерөнхий сайд болон ерөнхийлөгчийн албыг хашиж байгаа тус улсын тэргүүн Никос Анастасиадес энэ удаад дахин өрсөлдөж байгаа юм. Хоёрдугаар шатны сонгуульд түүнтэй Ставрос Малас өрсөлдөж байгаа бол орон нутгийн цагаар 17цаг хүртэл тус улсын 550гаруй мянган иргэн саналаа өгсөн байна. "Би саналаа өгсөн. Би сонгуульд оролцохгүй байхыг дэмждэггүй. Энэ удаагийн сонгуулиар ялагч тодорч, тэр хүн манай улсын хувьд тустай үйл хийнэ гэж найдаж байна" гэж Никосиа хотын оршин суугч эмэгтэй хэлсэн бол "Би олон хүнтэй ярилцаж үзсэн. Тэд бид яагаад сонгуульд оролцох хэрэгтэй гэж? Тэдний хэн нь ч надад таалагдахгүй байна гэж хэлж байсан. Хамгийн чухал нь бидний ашиг сонирхлыг л төлөөлж чадах хүнийг сонгох нь чухал шүү дээ" гэж өөр нэгэн иргэн ярьсан байна. 7 хоногийн өмнө болсон ерөнхийлөгчийн сонгуулийн эхний тойрогт Консерватив намаас нэр дэвшигч Анастасиадес иргэдээс 35,5хувийн санал авч ялсан бол зүүний улс төрч Малас 30,3хувиар хоёрдугаарт орсон байна. Энэ удаагийн сонгуулийн гол сэдвүүдээс дурьдвал эдийн засаг, банз, дахин нэгдэх болон улс төрийн бодлого, Европын асуудал зэргийг нэрлэж болох юм.