ЖҮЖИГЧИН УМА ТУРМАН ВАЙНШТАЙНЫ ЭСРЭГ ГОМДОЛ ГАРГАСАН БАЙНА

Жүжигчин Ума Турман кино продюсер Харви Вайнштайныг бэлгийн дарамтанд оруулсан хэрэгт буруутгаж байна. Ингэснээр тэрээр Вайштайныг ийм хэрэгт буруутгаж байгаа олон эмэгтэйн нэг болж байгаа юм. "Нью Йорк Таймс" сонинд өгсөн ярилцлагынхаа үеэр тэрээр болсон явдлыг тайлбарласан байна. "Уг хэргийг болох үеэр Вайнштайныг сайн таньдаг байсан боловч анхааруулах дохиог олж хараагүй" гэж Турман хэлжээ. Өнгөрсөн намраас хойш жүжигчин эмэгтэйгээс Холливуд дахь эмэгтэйчүүдийг дутуу үнэлэх болон бэлгийн дарамтын талаар ярих хандлага ажиглагдах болсон юм. Тухайн үедсэтгэл нь хөдөлсөн Ума Турман нэгэн ярилцлагын үеэр "цаг нь болохоор энэ сэдвээр ярих болно" гэж мэдэгдэж байжээ. Вайнштай, Квэнтин Тарантино нар Ума Турманы тоглосон "Биллийг ал" "Пулп фикшн" зэрэг кинонуудыг хамтран бүтээсэн юм. Эдгээр продюсерууд Холливудад мөрөөдлийн баг гэгддэг билээ. Одоогийн байдлаар Вайнштайн биеэ зөв авч яваагүй гэдгээ хүлээн зөвшөөрсөн боловч хүчингийн хэрэг үйлдээгүй гэж мэдэгдсээр байгаа юм.