ХАР АРЬСТ ИРГЭДИЙГ БУУДСАН ХЭРЭГ ИТАЛИ УЛСАД ГАРЛАА

Италийн Макерата хотод нэгэн эрэгтэй хар арьстнуудыг буудсан байна. Энэ үеэр 6 хүн шархадсаны нэгнийх нь биеийн байдал хүнд байгаа юм. Уг хэрийг арьс өнгөний үзлээр үйлдсэн гэсэн сэжиг уламж батлагдсаар байна. Хэрэгтэн нь 28 настай эрэгтэй, өнгөрсөн жил "Лега Норд" хэмээх гадныхныг үзэн ядагч намаас нэр дэвшиж байжээ. Хэрэгтэн бямба гарагт орон нутгийн цагаад үдийн өмнө машин дотроосоо хар арьстай иргэд рүү буудсан нь бүгд гадаадын иргэд байсан гэж орон нутгийн цагдаагийн газраас мэдээллээ. Хохирогчдын нэг өглөө тамхи авахаар гараад хөл рүүгээ буудуулсан, хэрэгтэн машин дотроос буудаж байсан учраас царайг нь харж чадаагүй гэж мэдүүлсэн байна. Цагдаа нар хэрэгтнийг барихад хэрэгтэн Италийн далбаагаа биеэ ороосон байснаас гадна фашистуудын ёсолгоогоор мэндчилсэн байна. Энэхүү хэрэг Макератаад нэгэн эмэгтэйн амийг хэрцгийгээр хөнөөсөн хэргээс хойш хэдхэн хоногийн дараа гарсан нь олон нийтийг цочирдуулж байна. Аллагын хохирогч эмэгтэйн цогцосыг олон хэсэг болгон тасчиж хоёр тээшинд хийсэн байсан бөгөөд уг хэргийг Нигерийн иргэн үйлдсэн хэмээн сэжиглэгдэж байгаа юм. Италийн хэвлэл мэдээллийн байгууллагууд хар арьст иргэдийг буудсан хэрэг нь хүн амины хэрэгтэй холбоотой байж болзошгүй гэж таамаглаж байна.