СИРИЙН БОСОГЧИД ОХУ-ЫН ОНГОЦЫГ БУУДАН УНАГАСАН БАЙНА

Сирийн хойд хэсэгт босогчид ОХУ-ын байлдааны онгоцыг буудан унагасан байна. Онгоцонд явсан нисгэгч шүхрээр үсрэн амьд гарсан боловч босогчдын тал түүнийг барьсан гэж мэдээллээ. Тэгвэл ОХУ-ын батлан хамгаалах яамнаас "Сухой Су-25" загварын байлдааны онгоц унасан гэдгийг баталснаас гадна нисгэгч нь онгоцноосоо амьд гарч чадсан боловч босогчидтой тэмцэж байгаад амь насаа алдсан гэж мэдэгдлээ. Унасан онгоц Идлиб мужийн дээгүүр нисч явахдаа агаараас хамгаалах гар пуужинд оногдсон гэж таамаглаж байгаа юм. Онгоц унасан газар нь Жихадын холбоотнуудын мэдэлд байдаг газар гэж Интерфакс агентлаг мэдээллээ. Сирийн баруун хойд хэсэгт байдаг Идлиб муж нь тус улсын засгийн газрыг эсэргүүцэгчдийн мэдэлд байдаг хамгийн том газар нутаг юм. ОХУ-ын ТАСС агентлагийн мэдээлж байгаагаар Оросын арми босогчдын байрлалд агаарын дайралт явуулж, энэ үеэр Сирийн 30байлдагчийг хөнөөсөн байна.