АСРАХ ГАЗАРТ ГАЛ ГАРЧ 11 ХҮН НАС БАРСАН БАЙНА.

Япон улсын Саппород байдаг асрамжийн газарт гал гарснаас болж 11 хүн амь үрэгдээд байна. Хэвлэл мэдээллийн байгууллагуудын мэдээлж байгаагаар тус улсын хойд хэсэгт байдаг Хоккайдо арал дээр байдаг Саппорохотын асрамжийн газарт шөнө дунд гал гарсан байна. Гал унтраах албаныхан үр цайж байхад галыг бүрэн унтрааж чаджээ. Асрамжийн газарт байсан таван хүнийг аварч чадсаны гурав нь эмнэлэгт хэвтэн эмчлүүлж байгаа боловч тэдний амь насанд аюул учраагүй гэж мэдээлж байгаа юм. 3 давхар байшинд гал гарах болсон шалтгаан одоогоор тодорхойгүй байна. Гал гарсан асрамжийн төв нь хотын төвөөс 1км зайд байдаг төдийгүй өөрийн гэсэн орон гэр болоод өндөрнастнуудын асрамжийн газарт төлөх мөнгөгүй өндөр настан, сэтгэцийн өвчтэй иргэдийг асардаг байна.