РОХИНЖА ИРГЭДИЙГ ОЛНООР НЬ ОРШУУЛСАН БАЙЖЭЭ

Мьянмар улсад иргэдийг олноор нь оршуулсан таван оршуулгын газар олдсон байна. Бангладеш хотод байгаа амьд үлдсэн иргэд Гу Дар Пинд 8-р сард олон иргэнийг хомроголон хөнөөж олноор нь булж оршуулсан талаар мэдэгдсэн бол тус улсын засгийн газар тийм явдал болоогүй гэж мэдэгдээд байна. Мьянмар олон зуун мянган Рохинжа иргэд армийн дарангуйллаас зугтан Бангладешт ирээд байгаа юм. Энд амьдарч байгаа дүрвэгсдийн зарим нь тэвчих боломжгүй байдлаар амьдарч байна. Мьянмар улсад лалын шашинтнуудыг хавчин дарангуйлж байгаатай холбоотойгоор тус улсын арми олон улсын шүүмжлэлд өртөөд багагүй хугацаа өнгөрч байна. НҮБ тус улсад үндэстний цэвэрлэгээ явагдаж байна гэж үзэж байгаа юм. Нүдээр үзсэн гэрчүүдийн мэдээлж байгаагаар цэргүүдийн иргэдийн эсрэг явуулсан дайралтыг маш нарийн төлөвлөсөн байжээ. Энэ талаар Мохаммад Карим гэгч иргэн "Заримыг нь гол руу шидэж, заримыг нь булж, заримыг нь хүчилд уусгаж байсан. Зарим цогцосыг жижиглэн тариан талбай дээр тараан асгаж байсан. Би 400орчим хүн алуулсан гэж бодож байна. тэдний дотор 10-20хүүхэд байсан" гэж хэлж байна. Хиймэл дагуулаас авсан зураг үндэстний цэвэрлэгээний үеэр учирсан хор хохирлыг тодорхой харуулж байгаа юм. Одоогийн байдлаар 680гаруй мянган иргэн дарам шахалтаас айн хөрш зэргэлдээ орших Бангладеш улсад ирээд байна. Төлөвлөгөөний дагууэнэ 7хоногт дүрвэгсдийг эх оронд нь буцаах ажил эхлэх ёстой байсан боловчиргэдийг аюулгүйгээр эх оронд нь буцаах нөхцөл бүрдээгүй учир хугацааг нь хойшлуулсан байна. НҮБ-ын Мьянмарын асуудлыг хариуцсан төлөөлөгч И Яанхи Рохинжа үндэстний эсрэг явуулж байгаа энэхүү арга хэмжээг "хомроголон устгах ажиллагаа" гэж хэлсэн байна.